10am - 4pm
Er mwyn cael sglein da, mae popeth yn dibynnu ar y paratoi. Yn y gweithdy hwn, byddwch yn dysgu sut i baratoi’ch gwaith i fod yn barod am y sglein perffaith. Byddwch yn dysgu sut i ffeilio’n gywir, glanhau cymalau sodro, gwneud arwyneb y metel yn llyfn, ac osgoi’r camgymeriadau cyffredin sy’n gallu ymddangos wrth ddechrau sgleinio.
Os ydych chi’n cael trafferth gyda marciau, ymylon anwastad, neu os ydych chi am i’ch gwaith edrych yn wirioneddol broffesiynol – dyma’r gweithdy i chi.
Felly'r gyfrinach i gael y sglein perffaith? Mae’r cwbl yn y paratoi!
P’un a'ch bod yn newydd i’r byd gemwaith neu eisiau gwella eich sgiliau, bydd y cwrs hwn yn rhoi hyder i chi i fynd â’ch gwaith i’r cam nesaf. Mae arweiniad clir a chefnogol Angela yn gwneud y cwrs yn addas i bawb – dechreuwyr yn ogystal â’r rhai sy’n dymuno gwella eu techneg.
Mae Angela Evans yn ddylunydd gemwaith cain a chyfoes wedi'i hysbrydoli gan harddwch naturiol Eryri. Mae gan Angela wyth casgliad, ac mae modd eu gweld a'u prynu ar ei gwefan. Mae Angela yn creu modrwyau priodas, dyweddïo ac ar gyfer achlysuron arbennig, mewn arian, aur, platinwm a cherrig gwerthfawr. Mae Angela hefyd yn arbenigo mewn ail-greu darnau gwerthfawr o’r gorffennol ac eu trawsnewid i emwaith modern newydd.
Gyda dros 20 mlynedd o brofiad yn gwneud gemwaith, mae Angela yn un o bartneriaid sylfaenol Siop iard.
Mae Angela'n dod â blynyddoedd o brofiad addysgu i'w gwaith - o ddarlithio mewn coleg i brosiectau cymunedol gydag ysgolion a grwpiau lleol. Gyda chymhwyster ôl-raddedig mewn addysg, mae Angela hefyd wedi hyfforddi mewn technegau uwch fel gosod cerrig yn ogystal â thoddi a chymysgu aur. Cewch athrawes gyfeillgar a hawdd siarad â hi, gyda digon o brofiad a straeon diddorol i'w rhannu!
