Crëwch Brôtsh neu Pendant o Bren a Resin 30/5/2026

10yb–1yp

Gyda Jessica Leese o Saltwater & Starlight

Crëwch eich brôtsh neu pendant ‘Selkie’ hudolus eich hun yn y gweithdy creadigol ymarferol hwn.

"Mae'r Selkie yn fod mytholegol a geir ym mythau'r Alban. Mae Selkies yn newid ffurf – yn gallu troi o fod yn forlo i fod yn berson trwy dynnu a gwisgo eu croen. Pan maen nhw'n ymddangos fel pobl, mae Selkies bob amser yn cael eu disgrifio fel bodau hardd tu hwnt. Maen nhw’n llawn gras, yn garedig ac yn serchog – gan wneud i unrhyw un sy’n eu cyfarfod syrthio mewn cariad yn syth."

Bydd Jessica yn dechrau drwy helpu pawb i setlo i mewn a chynnal cyflwyniad byr am fytholeg a llên gwerin y ‘selkie’.

Yna bydd hi’n cyflwyno’r broses torri â laser gyda throsolwg gweledol byr. Er na ellir dod â’r peiriant torri laser ei hun i’r gweithdy, mae eich siapiau selkie (a rhai darnau ymarfer) eisoes wedi’u torri ymlaen llaw i chi eu haddurno.

Nesaf, bydd Jessica yn eich tywys drwy ddefnyddio dyfrlliwiau Siapaneaidd (gansai) ac yn egluro sut maent yn wahanol i baentiadau Gorllewinol. Byddwch yn ymarfer ar siapiau llai ac ar bapur cyn dewis lliwiau a phaentio’ch selkie, gan haenu’r lliw i greu dyfnder a gwead.

Ar ôl egwyl fer tra bydd y darnau’n sychu, bydd Jessica yn dangos sut i ddefnyddio resin UV, ynghyd â chanllawiau iechyd a diogelwch syml. Byddwch yn cael ymarfer ar ddarnau bach cyn gorchuddio’ch selkie a’i galedu o dan olau UV.

I orffen, bydd Jessica yn eich helpu i ychwanegu ffitiadau—cefn broets neu gadwyn mwclis â phlatio aur neu arian, wedi’i thorri i’r hyd o’ch dewis. Yn olaf, byddwch yn rhoi eich creadigaethau mewn bocs, gyda Jessica wrth law i ateb unrhyw gwestiynau.

Fe ewch adref gyda gwaith celf unigryw y gellir ei wisgo – a’r sgiliau i ailadrodd y broses adref. Does dim angen unrhyw brofiad – dim ond eich dychymyg!

Cynhelir y cwrs yn ein gweithdy uwchben ein siop ar Stryd y Palas yng nghanol Caernarfon.